close
阮在天裡ㄟ父阮ㄟ主，感謝祢顧守引導阮經過一個禮拜久ㄟ時間，單此時阮由閣聚集在主祢ㄟ聖殿裡面，甲主你相及見面敬拜你，懇求主你此時店佇阮中間，安靜阮ㄟ心，互阮ㄟ通對你牧者來ㄟ教示，互阮閣甲尊趁你ㄟ話，守你ㄟ誡命，互阮閣甲凡事通達。
阮在天裡ㄟ父阮ㄟ主，阮人是微小ㄟ，阮ㄟ肉體是土沙，登阮勇健ㄟ時，阮愛感謝你，因為阮ㄟ肢體勇健，阮ㄟ心神就會快活，登阮虛弱ㄟ時，阮也愛感謝主你，因為阮相信主你ㄟ醫治阮。總是阮是有罪ㄟ人，懇求主你來赦免阮，無論阮是勇健，也是虛弱，攏互阮知，這些是主你所備辦，為對要互阮，閣卡行主你ㄟ款式。阮ㄟ主，你阿呢講：我就是活命的餅，就近我的人，決斷未腰，信我的人，永永未嘴搭。（約6：35）
單阮要懇求主你，垂聽阮軟弱ㄟ祈禱，求你醫治阮這些有罪人，醫治阮ㄟ心神及肉體，使阮有勇壯身軀及健全ㄟ心靈，來面對每一個主你為阮所安排ㄟ境遇。互阮佇勇壯ㄟ時感謝你，因為主你互阮有活命ㄟ日，有嘴來報揚你ㄟ名。互阮佇生苦病疼ㄟ時感謝你，因為阮ㄟ通求叫你ㄟ名，歡喜等候主你ㄟ榮耀。
阮在天裡ㄟ父阮ㄟ主，雖然阮看不到你，也摸不到你，總是你有派天使逐時圍繞佇阮ㄟ身邊，因為有因ㄟ疼惜及關懷，互阮知主你攏無離開阮，也知主你極大痛疼。也懇求主你，賜福互些為你疼惜兄弟ㄟ人，互因通得到主你極大ㄟ福氣，亞互阮由原ㄟ凍成就天使，疼惜每一個需要主ㄟ人。
主啊，阮知境遇好壞是你所定，因為你有叫日頭照好人，也照歹人。總是，主阮確信，上帝佇照顧阮，無論經過什麼款ㄟ日子。
阮阿呢祈禱懇求及感謝，攏是奉主耶穌基督聖名，阿們。
（2008年3月9日）
全站熱搜
留言列表
